එම ලිපිය මගින් ශ්‍රී සුමංගල මන්දිරය ඉදිරිපිට සිදු කළ උද්ඝෝෂණ ක්‍රියාමාර්ගයට අදාළව මානව ශාස්ත්‍ර හා සමාජීය විද්‍යා පීඨ 419 වන පීඨ මණ්ඩලයේ තීරණ නැවත සලකා බලන ලෙස ඉල්ලීමක් කර ඇත. එම ලිපිය මගින් සඳහන් කර ඇති “විභාගයට මුහුණ දීමට අදාළව ඉදිරිපත් කරන ලද ගැටළු
පිළිබඳව සංවේදීව අවබෝධ කොට ගනිමින් සිසුන්ගේ ගැටලු විසඳීමට අවශ්‍ය කාලය ලබා දීමට ක්‍රියාමාර්ග ගැනීම සම්බන්ධව පිඨාධිපතිතුමා ඇතුළු සමස්ත පිඨ පරිපාලනයට ප්‍රශංසාව එක් කරන අතර, ශිෂ්‍ය ප්‍රජාව විසින් තම දෙවන මව කොට සලකන විදුදැය මාතාවට අපකීර්තියක් එක් වන ආකාරයේ
කිසිදු ක්‍රියාවකට සම්බන්ධ නොවන බවද දන්වා සිටිමි. උද්ඝෝෂණ ක්‍රියාමාර්ගයක් සුමංගල මන්දිරය ඉදිරිපිට සිදු කිරීමට සිදුවීම පිළිබඳව කණගාටුව ඵල කරමු ” යන කරුණ සම්බන්ධයෙන් පීඨයේ ආචාර්ය මණ්ඩලයේ ප්‍රසාදය පල වූ බව දන්වමි. එහෙත් කසගස් සෙවන අසල දී වරින්වර ආචාර්ය
මණ්ඩලයේ සාමාජිකයන් කිහිප දෙනෙකුට සිත්රිදවීම් සිදුවන ආකාරයේ ශිෂ්‍ය හැසිරීම් දිගින් දිගටම ඇති වීම පිළිබඳව පීඨ මණ්ඩලය දීර්ඝ ලෙස සාකච්ඡා කරන ලදි. ජ්‍යෙෂ්ඨ ශිෂ්‍යයන් වශයෙන් මෙවැනි සිදුවීම් ඇති නොවීමට අනෙකුත් සිසුන් දැනුවත් කිරීම අපේක්ෂිත බැවින් සිව්වන
වසර ශිෂ්‍යයන් තම වගකීම පැහැර ඇති බව මෙහිදී අවධානයට යොමු විය. ඒ අනුව මානව ශාස්ත්‍ර හා සමාජීය විද්‍යා පීඨ 419 වන පීඨ මණ්ඩල තීරණය තවදුරටත් එලෙසම පවත්වාගෙන යාමට පීඨ මණ්ඩලය ඒකමතිකව තීරණය කරන ලදි.
නියෝජ්‍ය ලේඛකාධිකාරී
මානව ශාස්ත්‍ර හා සමාජීය විද්‍යා පීඨය
මානව ශාස්ත්‍ර පීඨයේ ශිෂ්‍ය ශිෂ්‍යාවන්ගේ දැන ගැනීම සඳහා
