පීඨ ප්‍රකාශන දිනය 2022 මානවශාස්ත්‍ර හා සමාජීයවිද්‍යා පීඨය
ශ්‍රී ජයවර්ධනපුර විශ්වවිද්‍යාලයේ මානවශාස්ත්‍ර හා සමාජීයවිද්‍යා පීඨය මගින් දෙවැනි වරටත් සංවිධානය කරනු ලබන පීඨ ප්‍රකාශන දිනය, 2022 සැප්තැම්බර් 29 වැනි බ්‍රහස්පතින්දා සවස 4.00ට උපකුලපති ජ්‍යේෂ්ඨ මහාචාර්ය සුදන්ත ලියනගේ මහතාගේ ප්‍රධානත්වයෙන් ශ්‍රී සුමංගල සභා සදයේදී පැවැත් වේ. මානවශාස්ත්‍ර හා සමාජීයවිද්‍යා පීඨයේ පීඨාධිපති මහාචාර්ය ශිරාන්ත හීංකෙන්ද මහතාගේ මග පෙන්වීම පරිදි, පීඨ ප්‍රකාශන කමිටුවේ මූලිකත්වයෙන් සිදු වන මෙම කර්තව්‍යයේ මූලික පරමාර්ථය වන්නේ පීඨයේ අධ්‍යයන/අනධ්‍යයන/ශිෂ්‍ය ප්‍රජාවන් ප්‍රකාශන කාර්යය කරා නැඹුරු කරවීමයි. පීඨ සාමාජිකයන්ගේ රසවින්දනය උදෙසා මෙවර පීඨ ප්‍රකාශන දිනයට සමගාමීව සංගීතය හා නිර්මාණත්මක තාක්ෂණවේද අධ්‍යයනාංශය මගින් ‘ නාද මංජරී” නමින් විශේෂිත සංගීතමය වැඩසටහනක් ද පවත්වනු ලැබේ.
